ЗУСЛАНГИЙН БАЙШИН ТҮРЭЭСЛЭХЭД ЮУН ДЭЭР АНХААРАХ ВЭ?

Та зуны улиралд зуслангийн байшинг түрээслэхээр төлөвлөж байгаа бол бидний зүгээс дараах зөвлөгөөг хүргэж байна. 

1. Хөрс:  Хадархаг хөрстэй байвал зуны улиралд зүлэг, ногоо бага ургахаас гадна хүүхдүүд бүдэрч унах зэрэг асуудлууд үүснэ. Мөн хэтэрхий чийглэг, намаг ихтэй хөрстэй газар бол хүүхдүүд доороосоо жиндэх асуудал үүснэ. 

2. Бие засах газар: Нүхэн жорлон төлөвлөсөн газрыг аль болох битгий сонгоорой. Хөрсний бохирдлоос авхуулаад бяцхан хүүхдүүдэд сөргөөр нөлөөлөх зүйл их байдаг. Үүний оронд эко, био жорлонгуудыг ашигладаг бол давуу талтай болно. 

3. Байрлал: Аль болох замаас хол байрлалтай байшин сонгохыг зөвлөж байна. Мэдээж замтай ойр байрлавал манайх шиг хуурайшилт ихтэй газар тоос, тоосонцорын асуудал үүсдэг. 

4. Дотор зохион байгуулалт: Аль болох аюулгүй байдлаа харгалзан үзэж шат довжоо, гал түлэх хэсэг, гал тогоо, разетка зэргийг урьдчилж заавал шалгаж, аюулгүй байдлаа хангаарай.